Aðlögun menningararfs á norðurslóðum (e. Adapt Northern Heritage) er verkefni sem hugsað er til stuðnings samfélögum og skipulagsaðilum við að aðlaga menningarminjar á norðlægum slóðum að umhverfisbreytingum sem kunna að verða vegna loftlagsbreytinga og tengdrar náttúruvár og er það gert með samfélagsþátttöku og gerð vandaðra áætlana.

Verkefnið mun standa yfir frá júní 2017 fram í maí 2020. Að verkefninu standa fjórir aðalþátttakendur og ellefu aðildarfélagar frá Íslandi, Írlandi, Noregi, Rússlandi, Skotlandi og Svíþjóð. Verkefnið er styrkt af Íslandi, Noregi, Skotlandi og Evrópusambandinu í gegnum styrkjakerfi sem ætlað er verkefnum á norðurslóðum (Interreg programme for the Northern Periphery and Arctic).

Verkefninu er stýrt af Minjastofnun Íslands og systurstofnunum í Skotlandi og Noregi, Historic Environment Scotland, Norsk institutt for kulturminneforskning (NIKU) og Riksantikvaren. Þessar stofnanir munu í sameiningu þróa aðferðir við mat á veikleikum og hættum sem kunna að steðja að menningarminjum og útbúa leiðbeiningar fyrir gerð viðbragðs- og verndaráætlana. Þróun og prófun á þessari aðferðafræði mun fara fram á ellefu stöðum í áðurnefndum löndum þar sem leitast verður við að tengja saman hagsmunaaðila, áhugafólk og sérfræðinga til að deila þekkingu og standa sameiginlega vörð um menningararfinn.

Nánari upplýsingar um verkefnið verða aðgengilegar hér árið 2018. Á sama tíma viljum við bjóða þér að heimsækja verkefnið okkar lítill-website á Interreg NPA og skrá þig fyrir ársfjórðungslega fréttabréf okkar.

Styrkt af:

 

 

 

Verkefni sem taka þátt í:

 

 

 

 

Mynd: Threave kastali í Dumfries og Galloway héraði í Skotlandi á kafi í vatni vegna flóða árið 2014 (mynd © Police Scotland)